gravatar

حملة على الفيس بوك لتقليل مصاريف الزواج


حملة على الفيس بوك لتقليل مصاريف الزواج
مشكلة بيعانى منها كل شباب مصر المقبل على الزواج ((وطبعا أنا واحد منهم)) أول ما تروح تخطب ولا حتى تفكر تخطب بس حتلاقى قدامك فاتوره كاملة محتاجة حساب فى البنك مايقلش عن ربع مليون جنيه .. ليه ياعم هوه أنا حتجوز مرات أحمد نظيف الجديدة
وبحثا عن حل المشكلة دى إتعمل الجروب ده ع فيسبوك تعالوا نشوف كاتبين إيه هناك
إنضموا معنا لتقليل مصارف الزواج , لو حسبناها مع بعض نلاقي الشاب بيصرف على العفش 40 الف جنيه وليلة الفرح 10 الاف جنيه والشبكة 10 الاف جنيه يعني 60 الف جنيه والعروسة تقريبا 30 الف جنيه يعني العريس والعروسه بيدفعوا علشان يتجوزوا 90 الف جنيه ودا طبعا غير الشقة .. فزمتكم دا مش حرام ؟ يعني لو صرفوا نصفهم وحوشوا الباقي في البنك مش احسن او عملوا مشروع بالباقي , ليه المغالاه في مصاريف الزواج ؟ اشتركوا معانا في أكبر حمله لتقليل مصارف الزواج وعلشان لا تزيد نسبة العنوسه ولا ينحرف الشباب
وعن حل للمشكلة بيقول أحد أعضاء الجروب
عبدالرحمن بيقول
شوفوا يا جماعة ناخد المشكلة واحد واحدة
البنت / عاوزة وعاوزة..... طبعا زى صاحبتها وابوها طبعا بنت فلان مش اقل من بنتى
ممكــن البنت بتكون بتحب فلان وابوها يظبطه فى الطلبات ... يعنى ممكن تقول تعجيز

الولد / خلص يا عين امه جامعة وعنده 24 سنة طبعا فى اكبر .... المهم بياخد الشهاده علشان يروح الجيش .... وممكن ياخد تاجيل .. المهم فى اى حالة بيعلق الشهادة على الحيطة ... ويا شماتت الابلة ظاظا فى التعليم ........ طبعا معظم شباب الجامعة بينضم لنقابة العاطلين لعند ما ربنا يكرمه ويهج من البلد ..... طبعا انا مش عاوز اكتر ... لانه اللى جاى اسوأ
طب نعمل ايه ؟؟؟؟؟؟؟؟؟؟؟؟ نسرق .. طبعا لأ

طيب شوفو الادهى واحد يكون لسه وخلص وسافف تراب وهو اللى يعارض على زواج اخته لعند لما المتقدم يجيب ويجيب

انتم عارفين مش هى دى المشكلة
المشكلة اننا فعلا نسينا انا مسلمين ورسولنا أمرنا ان نزوج من نرتضى خلقه
يعنى بنت النبى تزوجت على حصيرة .... وأوعى حد يقولى مش كان فى عندهم حاجة لا كان فيهم أغنياء كتيييييير على سبيل المثال سيدنا عثمان يا جماعة دا جهز جيش لوحده مين دلوقتى فى غناه بالقياس
رابط الجروب للمتابعة
http://www.facebook.com/inbox/?ref=mb#/group.php?gid=275822315924

gravatar

كلاب الشوارع .. جروب جديد لكتاب حيكون مميز





من الخليج للمحيط .. من الشرق للغرب .. من الشمال للجنوب(من اي حته لاي حته)..صمت غريب يسود العالم عن جريمه ترتكب في حق نصف العالم كل يوم..ليست حروبا او نزاعات سياسيه ربما نستطيع ايجاد حل لها في يوم من الايام..بل هي انتهاكات صريحه تعرضت وتتعرض وستتعرض لها كل من تحمل لقب انثي طالما ان رد الفعل دائما..سكوت
الا من رحم ربي..مؤخرا بدأت نداءات نسائيه بتجريم التحرش وتشديد العقوبه ..بعد ان اصبحت ظاهره في المجتمع ..يعترف يها الافراد وتنكرها الجهات الرسميه


ده كان بداية بيان الجروب

جروب لكتاب للكاتبة الشابة بسمة العوفى عن التحرش الجنسى .. أكبر المشاكل إللى بيعانى منهاشباب جيلنا دلوقتى ومش عارفيين سبها إيه ولا لاقيين ليها حل

بس الكتاب والكاتبة بيحاولوا يوصلوا لحل وبيعرضوا المشكله بشكل مميز جدا

وفى الجروب حتلاقى تهنئات كتيرة جدا من أعضاء الفيسبوك للكاتبة ولدار النشر عن قرب صدور الكتاب
ومجموعة كبيرة من صور عن التحرش الجنسى إللى بتحصل فى الشوارع
تعالوا نكمل باقى بيان الجروب ومقدمة الكتاب

إللى حيكون مفاجأة جميلة جدا وحنستناه كلنا


من هنا ..اود ان اقول لل(جهات الرسميه)..اذا انتظرنا ان تشعروا ما تشعر به كل امرأه وهي تسير في الشارع متأرجحه بين نظرات هذا وملامسات ذلك وايحاءات اخر ..بالتأكيد سيتطور الوضع للاسوأ..هناك امورا لا تشعر بها سوي من تحمل تاء التأنيث في مجتمع ارتضى فيه-بعض -رجال العرب لها أن تكون مثل لوحة نيشان يفرغون فيها الكبت والفقر والظلم والبطاله.. وبقايا غرائزهم الجنسية من خلال اللعب باجساد النساء لتحقيق الحلم الضائع بالقوه ، وبحثا عن عزة ضاعت تحت أقدام ساستهم.. فلم يجدوا غير نسائهم
!!!

اسم الكتاب:كلاب الشوارع
اسم الكاتب:بسمه العوفي
دار النشر:شباب بوكس
مصمم الغلاف:كريم ادم


يصدر قريبا عن دار شباب بوكس
جروب الكتاب

gravatar

وبدأ نشاط معرض الكتاب ع فيسبوك


الضرب فى الميت .. كتاب


Image Hosting

الضرب فى الميت مش بس حرام ده كتاب ساخر كمان

مع بداية معرض الكتاب سنويا يشهد الفيسبوك زخما كبيرا بالمعرض وكتابه وكتبه حيث تنشئ مجموعات كثيره للكتب الموجودة بالمعرض ومؤلفيها وكذلك دور النشر لتنشر عما تعرضه من إنتاجها فى المعرض وإنشاء تذكيرات بالأحداث عن أوقات توقيع الكتب ، وأول المجموعات التى وصلتنى هذا العام كتاب "الضرب فى الميت" للمدون والكاتب الساخر أحمد الصباغ ،، أحمد الصباغ مدون (خالو أحمد) وكاتب بجريده المال والعقار وكاتب ساخر ينتقد الأوضاع بطريقه أكثر من رائعه يأخذك فى عالمه من أول كلماته ،، هذا فضلا عن هوايته المتميزه فى التصوير الفوتغرافى وملازمة الكاميرا له دائما ، الكتاب يصدر عن دار المصرى للنشر ولم يحدد أحمد موعد لتوقيع كتابه حتى الأن إلا إنه سيكون هنالك عرضا لبروما الضرب فى الميت للمخرج أحمد نجيب عن الكتاب يوم الخميس الموافق 28 يناير 2010 ، وعلى الجروب الخاص بالكتاب إنطلق العشرات من أصدقاء أحمد الصباغ ومحبيه تهنئته على إصدار الكتاب والتساؤل عن مضمونه ومحتوياته إلا أنه لن يقل عن إنتاجات الصباغ المتميزه دوما
لمتابعة الجروب

http://facebook.com/group.php?r4a67f11b&gid=267682652975&refid=27

gravatar

حملة شعبية لمنع الفنانة فردوس عبد الحميد من الذهاب لإنجولا‎ و دعوة لصيام الخميس والدعاء للمنتخب

دعوه ع فيسبوك بصيام غد الخميس والدعوة للمنتخب


تحديث ‏
دعوه ع فيسبوك بصيام غد الخميس والدعوة للمنتخب
قام جروب منتخب الساجدين ع فيسبوك بتوجيه دعوه لأعضائه بصيام يوم الخميس الموافق ليوم مباراة مصر والجزاء فى الدور قبل النهائى , وتكثيف الدعاء لمناصرة المنتخب فى المباراه العصيبه القادمه

Egy Face . Egy Face . Egy Face .

الحملة الشعبية لمنع الفنانة فردوس عبد الحميد من الذهاب لانجولا‎ ‎

Image Hosting

جروب جديد ع فيسبوك إنشى عقب مباراة مصر والكاميرون مباشرة وتأكد ملاقاة مصر والجزائر فى دور الأربعه ع كأس الأمم الأفريقية , يدعو لمنع الفنانة فردوس عبدالحميد من السفر إلى أنجولا لمشاهدة المباراه وتشجيع المنتخب حتى لا تتكرر مأساة المباراه السابقه فى السودان وخاصة حادثة البادى والبنطلون " ع حد تعبير المشتركين ف الجروب " خالص تمنياتنا بفوز مصر وأداء مباراه قوية وأخويه ف نفس الوقت .
لمتابعة الجروب

http://facebook.com/group.php?ree45f61a&gid=268407358166

gravatar

شباب 6 إبريل يدعون للتظاهر فى عيد الشرطة إحتفالا بفساد ظباط الداخليه

شباب 6 إبريل يدعون للتظاهر فى عيد الشرطة إحتفالا بفساد ظباط الداخليه
دعى شباب 6 إبريل فى حمله جديده لهم على الفيسبوك وعلى جروبهم إلى الأحتفال بعيد الشرطة المصريه تزامنا مع
إعلان الدولة يوم الخامس والعشرين أجازة رسميه لأول مره إحتفالا بعيد الشرطه
وجاء فى دعوتهم للتظاهر
هانحتفل كلنا بالشرطه المصريه اللى اسائت لسمعة مصر و شوهت صورتها بالممارسات القمعيه وعدم احترام حقوق الانسان

هانحتفل بالاعتقالات اللى بمناسبه و بدون مناسبه فى ازهى عصور الحريه

هانحتفل كلنا برجال الشرطه هواة التعذيب فى الاقسام

هانحتفل برجال الشرطه االلى بيقولوا انهم اصحاب البلد واللى بيعاملوا المواطنين كأنهم عبيد

هانحتفل كلنا بالتلفيق اللى بيحصل لكل النشطاء السياسيين زى تهم التجمهر وتكدير الصفو العام


هانحتفل كلنا بالشرطه اللى بتمنع التعبير السلمى عن الرأى و بتمنع اى احتجاج سلمى فى الشارع و لو حصل بتبقى حريصه على اخفاؤه وعدم وصوله للناس


هانحتفل بالشرطه اللى بتمنع الاحزاب من التواصل مع الجماهير

هانحتفل كلنا بالشرطه المصريه اللى بتمنع حتى الاعتراض على تصدير الغاز لإسرائيل

هانحتفل كلنا بالشرطه والداخليه اللى بيحموا اللصوص الكبار اللى بينهبوا البلد و يمصوا دم الغلابه

هانحتفل كلنا بالشرطه و الداخليه اللى بتتستر على الفساد و الانحراف من اعضاء الحزب الوطنى

هانحتفل كلنا برجال الشرطه البواسل اللى بيزوروا الانتخابات لصالح لصوص الحزب الوطنى و بيمنعوا المواطنين من حق الانتخاب الحر

هانحتفل برجال المرور اللى بياخدوا رشاوى و بيبقى كل همهم كل يوم ازاى يخلصوا دفتر المخالفات

هانحتفل بظباط المباحث اللى مايعرفوش حاجه عن البحث الجنائى و كل اللى يعرفوه قاعدة الاعتراف سيد الادله .. وعلشان كده فى اى جريمه تحصل فى اى شارع تلاقيهم متخصصين فى التعذيب و الكهربا و النفخ و التحرش الجنسى للحصول على اعترافات تظبط ورق القضيه

هانحتفل بوزارة الداخليه اللى لو نشرت ربع عساكر و بلطجية الامن المركزى فى مصر كلها لتنظيم المرور فى المواقف و الاشارات كانت اتحلت مشكلة المرور من زمان

هانحتفل بوزارة الداخليه اللى لو نشرت ربع عساكر الامن الامركزى فى شوارع و حوارى مصر كانت اعادت الانضباط للشارع المصرى و انتهت حوادث الاغتصاب و السرقه بالاكراه و بيع المخدرات العلنى المنتشر فى شوارع مصر

هانحتفل بالداخليه اللى مهتمه بالامن السياسى وحماية لصوص الحزب الوطنى و الحكومه اللى بيمصوا خير البلد .. الداخليه اللى بتراقب كل خطوات المعارضين و بتجيش ألف عسكرى لكل متظاهر واحد ... و بتهمل الامن العام لغاية ما شوارع مصر اصبحت قمه فى الفوضى

هانحتفل بفلان باشا اللى الكارت بتاعه بيخليك ماتقفش فى اى طابور فى اى مصلحه حكوميه
هانحتفل بالظابط المرتشى و الظباط رجال الاعمال من الباطن

ويرتدون ملابس أسود حداداً على الحريات المنتهكه من قبل الشرطه

ماننكرش ان فيه ظباط شرطه محترمين وشرفاء فى الداخليه فى كل التخصصات و الادارات و لكنهم للأسف اصبحوا اقليه منبوذه ومالهومش اى صوت

التعذيب و الفساد و حماية اللصوص و الفاسدين بقى اسلوب منهجى لوزارة الداخليه

والظابط الشريف اصبح هو الاستثناء

تعالوا نتجمع يوم الاثنين 25 يناير الساعه 4م أمام دار القضاء العالى للإحتفال سويا بعيد الشرطه

وعلشان مظاهر الاحتفال تبقى تمام يا ريت كل اللى ييجى يلبس اسود

للمتابعة

gravatar

أول بوست ... شخصيات وزكريات




وبما إن ده أول بوست فى مدونة إيجى فيس فأنا حابب أخصصه لذكريات و لشخصيات عرفتهم فى الفيسبوك أوحصلت مواقف جميله معاهم
شخصيات أثرت فيا جامد جدا بحهبم جدا وبقدرهم .. ربنا يبارك فيهم دايمن يارب


أميره محمد محمد محمد : إستاذتنا طبعا ،، أعرفها تقريبا من سنتين إلا شويه بس بحس إنى أعرفها من زمان قوى ،، عملنا شغل كتير قوى ع فيسبوك سوا فى وقت كنا بندير أنا وهى أكتر من 13 جروب مابين سياسيه وثقافيه وتدوين ،، إتعلمت منها حاجات كتير قوى ، صبر وصمود وعزه وده غير الأفكار إللى كنت بستفيدها منها عندها ثوره وإراده لو إتوزعت ع بنات الأخوان كلهم تكفيهم ويزيد ،، فى مخيلتى دايمن هى الصوره الأمثل للفتاه الأسلاميه المعاصره >> ذكاء ، فكر ، مبادئ ، إراده ، عمل ، ومن قبل كده ده أخلاق حقيقه مش أخلاق مظاهر زى ما بنشوف ،، دكتورة أميره هى الوحيده إللى بسمحلها تعدل ع الحاجه إللى أنا بعملها لأن نيتها خالصه دايمن وهى أهم حد عندى بثق فى تقيمه ليا .

إسراءالطويل : لما عملت مبادرة لا للفرانكوأراب كنت محتاج بوستر للمبادره بعت رساله للأعضاء فى الجروب لو حد يعرف يصمم لنا بوستر نشتغل بيه ,, وكلها نص ساعه ولقيت واحده باعته بوستر جميل جدا ويفوق المواصافات إللى كنت محددها فى الرساله ,, عملتلها أدد وكنت متأكد إنى أعرفها قبل كده أو سمعت إسمها فى مكان ما وأخيبرا إفتكرت كانحد فى الجايكو بيتكلمعنها قبل ما أعملها الأدد والبوستر .. هى حد عنده طاقه كبيره جداومحترم جدا ومش بتحب تقول لا على حاجه ومش بترفض طلب لحد خالص أينعم ممكن تطنشك كتيير بس مابتقولش لا ^_^
إنتشرت بين الأصدقاء عندى بسرعه طبعا لخفة دمها ومشاركاتها الجميله جدا وأنا بعاذرلها إذا كان حد وصلها عن طريقى وأساء ليها أو ضايقها ولو لحظهواحده
بقدرما هى حد كويس جدا بس هى عملت معايا حاجات لو حد غيرها أنا كنت عملتله بلوك من الوجودمش بسمن الفيسبوك وكده بس فى الأخر هى إسراءالطويل إللىماينفعش أزعلمنها أو أزعلها أبدااااااااااا

أسماء الخطيب : أسماء محمود وساعات محمد وساعات وساعات وساعات ... كانت دايمن تسئل عن أى حاجه وعايزه تعرف هى إيه وليه وفين ماكنتش أعرف إنها مشروع صحفيه ناجحه بإذن الله ،، أول مره قابلتها لطعتنى بتاع ساعه فى سوهاج وكان معانا خالها وإختها (الشقيه جدا) إستاذه خديجه ،، بس بصراحه أسماء دى جدعه قوى طبعا عشان أهلها صعايده وكمان بلدياتى أنا ،، تعتبر واحده من أهم كتام أسرارى وهى أمينه جدا ،، ربنا يكملها بعقلها .

أسماء خليفه : مره جاتنى صداقه وقبلتها وبعدها فى البروفايل ببص لقيت واحده كاتبه ليا هو إنت بقى محمد عاطف إللى بيقولوا عليه ده كان بالظبط فى وقت إنتشار الأستطلاع بتاع رئاسة الجمهوريه ومين أفضل أنا ولا جمال مبارك وكنت مكتسح وقتها ،، دى بقى كانت أسماء خليفه حيث خفة الدم والروح وطيبة القلب والألتزام والجدعنه والأخلاق ،، مش لاقى كلام كتير أكتبه عشان هى فعلا تستحق أكتر من كام سطر عشان أكتب عنها .

أسماء محفوظ : أول مره إتكلمت معاها وقت ما كان البيت عندها بيعارضوا نشاطها السياسى وكان أخوها بيقولها أراء كده غريبه شويه ،، المهم هى حد بجد من كلامها يتفتح لها قلبك وتحس إنها إختك الكبيره من زمان ،، أجمل حاجه فيها إلتزامها ونشاطها وإرادتها الكبيره جدا ،، بحب جدا صورتها وهى ماسكه السكينه ربنا يحوش سكاكينها عنا ^_^ .

إيناس حسنى : إستاذى القديره جدا ،، عرفتها فى فترة تواجدنا سوا فى 6 إبريل (أيام ما كانت 6 إبريل 6 إبريل) أكتر حاجه إتعلمتها منها إنى إزاى أخد موقف ومايهمنيش نتايجه طالما أنا واثق من نفسى ،، مع إنى أكبر منها بسنتين بس بحس دايمن إنها أكبر منى وفاكر لحد دلوقتى صدمة لما عرفت إنها أصغر منى ،، من خلال معرفتى بإيناس عرفت بجد يعنى إيه جملة بنت بعشر رجاله .

باسم فتحى : دخلت مره توبيك فى جروب سرى لشباب 6 إبريل (المطبخ يعنى ^_^) لقيت واحد كاتب بوست عباره عن حلم هو حلمه وفيه كل الناس إللى فى الحركه إلا أنا كنت جديد وقتها فبقوله إزاى أنا أسمى مش مكتوب قالى ما أنا ماعرفك لسه وأنا من وقتها وأنا نفسى أعرفه مع إنه كان لازم يحط مكان فاضى فى حلمه للناس الجديده ،، وقابلته أول مره فى طنطا (فى جلسات عمال المحله) وهكذا وهكذا وهكذا ... باسم فتحى ده حد بستمخ جدا لما أشوفه حد كده عنده دماغ بجد وكفايه قوى التشجيع بتاعه ،، كان نفسى جدا يكون عندى أخ شبهه ف الشكل والشخصيه والتفكير من زمان بس هو بالنسبه ليا أكتر من أخ .

عوومر رضا وياسر سيد : ولأن الأتنين دولا عرفتهم مع بعض فامينفعش يتفرقوا أبدا عن بعض ،، رجاله رجاله بجد وجدعان جدا عندها أحلام حلوه وإمنيات خالصه لربنا ربنا يكرمهم يارب وياريت بلدنا فيها كتير من الثنائى ده كانت حتفرق كتير جدا ،، بس ياريت ماحدش يتحشر بينهم وهما مايدوش ودانهم كتير لحد .

محمد جمال : مره كده عند إسراء الطويل فى بروفايلها بنتناقش فى حاجه ودخل واحد قال حاجات نرفزتنى جدا وقتها رحت عملتله بلوك ،، إكتشفت بعدها بخمس دقايق إنى كنت مشحون وما كانش يصح إللى أنا عملته ده وإكتشفت إنه هو ده برضو ميدووو إللى بحبه جدا ع جايكو وتويتر .

محمد عاطف (ميكى) : ده حصل مشاكل بينى وبينه مالهاش عدد عشان حاجات كتير بس فعلا أثبتلى إنه أرجل من ناس كتيره جدا وشهم وجدع وطيب قوى قوى قوى قوى قوى قوى قوى قوى بس لو يبطل نظرته السوده عن الأخوان ^_^ يوم 4 مايو كان زعلان منى وقابلته وجيت أصالحه مديت إيدى رفض يسلم عليا (الواطى) وبعدها إتمسك وإتظبط من جوه (أحسن) ^_^ ده نصى التانى وشبههى فى حاجات كتير حتى إسمى .

محمود سامى : فى حاجه كده زمان حصلت (لا يجوز ذكرها علنا) أثارتنا جدا لدرجة إننا قررنا إننا نأدب صاحبها ده جدا بس ف الأخر طلعت أكذوبة أبريل ^_^ كان شريكى ف التأثر الواد ده واد جدع وشهم وأخلاق ورجوله دايمن بحسه إنه إتولد ف بحرى بالغلط الواد ده إنتاج صعيدى خالص ،، وأحلى حاجه فيه إنه بيفهمنى من غير ما أقول حاجه وأجدع واحد بلاقيه جمبى ف كل وقت وأكتر حد بيستحملنى برضو وكمان إستاذى .


مهره الغزالى : كنت فى إستيتس حسام فؤاد قبل ماتش الأهلى والزمالك (قبل قبل قبل قبل الأخير) وزنقته وقتها مش لقى حاجه غير يكتب إستيتس جديده يستنجد فيها برفاقه الزمالكويه دخلت مهره وصديقه تانى وبقيوا ضدى وعملنا إستيتس وقتها كان جميل جدا وبعدها عملتلها أدد كانت حد جميل جدا وبتشارك ع طول عندى وماكنش فيه أصدقاء مشتركين بينا غير حسام فؤاد بعدها بفتره ناس كتير جدا من عندى بدأت تضيفها وهى وقتها كانت مش حابه الحكاية دى إن ناس كتير جدا بتبعتلها أدد وأنا بس بكون المشترك عندهم ،، كانت بتسئل دايمن وتتطمن تحس كده إنها حد كبير وإنت مسئول منه ،، من فتره كبيره حذفتنى بدعوى إنها حذفت كل أصدقائها الولاد وبعد كده إكتشفت إنها رجعت عدد كبير منهم إلا أنا تقريبا أنا إتمنعت بناء ع طلب شخص ما .. عموما هى حد كويس جدا وربنا ينورلها طريقها كمان وكمان يارب .

هدير محمد : كنت ذات ليل بتصفح بروفايل واحد صاحبى لقيته عامل كومنت عند واحده صورة بروفايلها واقفه مع حماقى بذات نفسيته دخلت عندها وعملتلها أدد كانت حد دمه خفيف جدا وبتشارك وبتسئل عن أى حاجنا حسيت فيها حس سياسى واعى جدا ومتفتحه جدا فبدأت أناقشها فعلا وأتعمد أكتب حاجات عشان هى تشارك فيها وفعلا إستقطبتها لشباب 6 إبريل (ومحدش له دعوى بقصة حشدها دى حكايه لوحدها ^_^) هى هدير محمد إنسانه جدعه شهمه رقيقه حساسه جدا عندها وعى ودماغ عاليه جدا وقلبها كبير قوى ،، بفتخر دايمن إنى دخلت حد زيها العالم ده وبقدر فخرى ده قدر خوفى إنها تنجرح فيه أو حد يضايقها لأنها ببساطه بنتى وإختى .

ناس بجد بحبهم :-

خالد فوده : فيه حاجات كتير منى ، وهو حد جدع جدا

عمرو إسامه : واد دماغه عاليه جدا ونضيفه بجد محتاج شوية هدوء كده وراحه وحيطلع أفكار مالهاش حل .

سوكه : بالهه مش بالألف حد مخلص جدا وصاحب صاحبه بجد

أحمد الغيطى : رفيق الكفاح السلمى والمسلح برضو ..حبيب قلبى

صدومه : واحشنى قوى الواد ده

أحمد شهيب : حيث تكون الدماغ الرايقه والجدعنه يكون أحمد شهيب

إميمه الشريف : حيث تكون الأراء المحترمه والمشاركات القديرة والأدب والأخلاق العاليه إميمه الشريف

سمر جمال : حد كويس جدا وفيها كتير جدامن أسماء الخطيب ما جمع إللى ما وفق بصراحه ربنا يخليهم لينا بقى

وبس كده كفايه ونكمل المره الجايه

Share/Bookmark